شەفەق نیوز/ خرسیگ قاوەیی پەلامار خیزانیگ دا لە ناوچەی لیتوف سلۆڤاکیا، کە ئەو خیزانە دوو مناڵ داشتنە، وەگورەی ئاژانس خەوەری "تی ئی ئێس ئار".

ئەو خیزانە لەڕی دارستانیگ لە ئاوای "بارتيزانسكا لوبيتشا" لە سەیران بوینەر هەناێ خرسیگ وە ناکاوەو پەلاماریان دا.

وەگورەی پولیس؛ یەکەم جار خرسەگە وەرەو مناڵەیل چگ تا پەلاماریان بەێد، وهەناێ داڵگ و باوگە نواگیری کردنە چگە دویا.

 ژنەگە زەخمدار سووکیگ بوی، و زاڕووەیلە رزگار بوین. لاديسلاف بالاگیتش، کویخای ئەو ناوچە، لەبان فەیسبووک نویسان: موعجیزەی بویچگیگ بوی کە ئی مناڵەیلە لە چنگ ئەو خرسە قورتار بوینە.

وتیش: ئی رووژەگە وەرد تیمیگ تایبەت وە خرسەیل قاوەیی رەنگ کە دەسەڵات ژینگە مقیەتییان کەێد، پەیای شوین ئەو خرسەیلە کردن کە تەنیا چەن مەتریگ لە شوین رویداوەگە دویرە.

 وتیش: ئەوەسا کامیرایل چەودیاریکردن خریەێدە ئەو ناوچە، و داوا لە هاوڵاتیەیل کرد لەو شوینە دویر بکەفن.

 ئامارەیل فەرمی دەسنشان کەن کە نزیکەی 1200 خرس لە سلۆڤاکیا هەس.