شەفەق نیوز/ دەیان ژنەیل عراق لە پارێزگا و ئاین و نەتەوەیل جیاجیا لە مووسڵ کۆنە، نزیک جیماگەیل بینا و ماڵە رمیاگەیل گردەو بوین. نزیک کلیسەی (ساعە) ناوڕاس مووسڵ کۆنە، ئی ژنەیلە تەگبیر کردن فیستیڤاڵ "خانمەیل" بکەن، ئەوەیش وە دروسکردن بازاڕیگ ئەرا دڵنگ و کەلەپوور و چشتەیل فۆلکلۆری.
عەزیزە عیسا، ژنیگ مەسیحیە لە ناوچەی کرملیس، ئەرا ئاژانس شەفەق نیوز ئۊشێد: وەگەرد دویتیگ هاوڕیی هاتیە تا بەشداری لە بازاڕەگە بکەێد، و دڵنگ کلتووری بکەێدە وەر، ک دڵگنەیل ئاوایی کردە وەر، ک لە ناوچەی کرملیس لە قەزای حەمدانیە پووشنەی، و سارەی هاوڕیی دڵنگ ئاشووری پووشێد.
ئەنسام محمود، لە کەرکوک هاتگە، وت: مەزەنە نەکرد ک مووسڵ وەی شیوە بوینێد، و باس لە سەرسامی خوەی کرد ک ژیان دووس ژیان توان، و رکدارن لەبان گلەوخواردن.
ئۊشێدیش: من سەرسامم ک ئەوانەگ ئەرا مووسڵ گلەو خواردنە قەرەبوو یا هاوکاری لە حکومەت نەگردنە، باوجی پشت وەخوەیان بەسانە و وە پاڵپشتیکردن بەشیگ پە ریخریاگەیل ناودەوڵەتی، وتیش: لە دەروین خەڵک مووسڵ نووڕیە دووسییگ ئەرا ژیان وەگورەی رەنگینی مووسڵ کۆن و ئەو وینەیل کەلتووریە لەناوی.
ئیڤان محمد، لە پارێزگای دهۆک هاتگە، دڵخوەشی گەورەیگ لە بەشداریکردنی لەی بازاڕ خانمەیلە نشان دا.
ئەرا ئاژانس شەفەق نیوز وت: کار لە دویرمان و چنین دەسی کەێد، و خوەشی لە بەشداری و پاڵپشتیکردن شاریگ هات لە جەنگ دەرچگە، وتیش هەس وە خەفەت کەم وەرانوەر ئی شارە چۊنکە هیمان زیان لە ویرانی و خاپووری و یادەیل جەنگ وەخوەی دۊنێد، هەرچەن دانیشتگەیلی ئەرای گلەو خواردنە.