شەفەق نیوز/ ئێزابێت خانمە شاه بەریتانیا، ئمڕوو چوارشەممە، ساڵ نەوەت و پەنجەم لە تەمەنی تەواو کەێد، وەلی وەبی هیچ ئاهەنگیگ گشتی وە ساڵیاد داڵگبوینی، ک دویای چەن رووژیگ لە مردن شازادە فیلیپ هاوسەری تیەێد.

فیلیپ ک لە ساڵ ١٩٤٧ بویە هاوسەر ئەلیزابێت، لە نۆی نیسان گوزەیشتە، لە تەمەن ٩٩ ساڵان دویا کووچی کرد، و لە رووژ شەممەی گوزەیشتە بنەماڵە شاییەگە لە قەڵای ویندسور ماڵئاوایی لە تەرمەگەی کردن.

لەوەر ئەو پاوەنیەیلە ک پەتای کۆڕونا چەسپانەی، خانمە شاهەگە لە رسوومەیل ماڵئاواییکردن شازادەگە وەتەنیا دانیشت.

ئێلیزابێت شاه، ک درێژترین شاهەیل جهانە ک لەبان عەرش شاهی دانیشتگە، ئەوەسا لە رووژ لەداڵگبوینی ک هەمیشە وەکەمیگ لە سیمایل ئاهەنگەیل وەڕیەو چوود، وەلی ئمساڵ وەبی هیچ رسوومەیلیگ لەناو قەڵای ویندسور مینێد، ک لەوەر عەزیەتباری بنەماڵەگە، هەکاتی جارانی لەلای تاوەر لەندەن تووپ نێوەشیەێد.