شەفەق نیوز/ خانمیگ سەماکەر (سامبا) لە بەڕازیل، چگە ناو خەسەخانە ئەرا نەشتەرگەرییگ ئاسایی، وەلێ هەنای هاتە هووش خوەی، نووڕێد ک باڵ چەپی بڕیاگە.
ئەلیساندار دوس سانتوس سیلڤا (٣٥ ساڵان)، هاتە هووش تا بوینێد باڵ چەپی لەناو نەشتەرگەری بڕیاگە، بیجگە ئەوە مناڵدانی وە تەواوی لاوریاس.
سلیڤا یەکەم نەشتەرگەری لە مانگ شوبات گوزەشتە تەواو کرد، باوجی خوینوەربوین هیشت پزشکەیل لە خود شەوەگە نەشتەرگەری لاوردن مناڵدانی بکەن، و دویای دەرچگنی لە نەشتەرگەری، کەسوکارەیلی نووڕن ک دەس و پایلی سەردن، و رەنگ کلگەیلی ئاڵشت بویە.
دویای سێ رووژ، ئەرا خەسەخانەی دڵ بریا لە بوتافوگو، و لەورا نووڕن ک رەنگ باڵی و تەواوی بویە سیا، و پزشکەیل تەقەلای خاسەوکردنی دان، وەلێ رەسینە بڕیاریگ ک بایەتە باڵی بووڕن تا رزگاری لە مردن بکەن، ک گورچگ و جگری لەکار وسیان، و هەناێ لەوە هاتە هووش خوەی، نووڕێد ک باڵیگی بڕیاگە.