راپۆرتیگ وەلایەن رووژنامەی هەمشهر ئیرانی کە ئازانس شەفەق نیوز ئەڵگەردانی کرد وا: عەزیز مستەفائی پسپۆڕ لە چین کەلەپوور کولتووری لە پارێزگای کرماشان دووپات کرد کە خەڵک ئاوایەگە دیواریگ وە چواردەور دوو دار بەڕوی پنیهە نا بتوانین لە ژیان بمینن، و تا بوود یادیگ ئەرا نەوەیل هاتگ.
دار بەڕوی لە دارە رەسەنەیلە لە زاگرۆس، ئاوای زیلان یەکیگ لەو ناوچە رەنگینەیلە لە پارێزگای کرماشان، کەفێدە ناوەین جوانڕۆ و باباجانی.
مستەفائی باس رسوومەیل (گەل) کرد جویر کەلەپووریگ ئەرا ئی ناوچە، و وت: (گەل) یەکیگە لە کەلەپوور ناوچەگە ئەرا هاوکاری و دەسمیەتی ناو مەردم، کە مەردم لە کارەیل گشتی بەشداری کەن و وەخاستێین شیوەی وەبی خەرجکردن پویل کارەگە ئەنجام دەن.
راپۆرتەگە وتیش: لە نموونەیل ئی کەلەپوورە بیناکردن و دووارە دروسکردن ریوبانەیل لەو شوینەیلە کە رەسین ئەرایان سەختە لە ئاوایەیل کرماشان، وەتایبەتی لە ناوچەی بانیغان، کە ئەو کارە وەبی گەل نیکریەێد، و خەڵک باینغان خاوەن ئی کارەن، و لەوەر لاری ناوچەی باینغان و رمیان ریوبانەیل لەوەی وەفر و واران گشت ساڵیگ لە سەرتای وەهار، دووارە ریوبانەیل خاسەو کەن تا مەردم و ئاژەڵ وە ئاسانی بجویلن.
راپۆرتەگە لە کۆتایی وتیش: گەل بایغان وەرجە دوو ساڵ لەناو کەلەپوور کولتووری توومار کریا.