دەسەب خەڵاتەگە راگەیان کە خاوەن خەڵاتەگە کە سێیەم ژنە کە ئی  خەڵاتە بوەێد، "فامستنمان لە پایەی ژنەیل لە بازاڕ کارد بەرزەو کرد."ئی خەڵاتە کۆتا خەڵاتە لە بڕ خەڵاتەیل ئمساڵ نۆبڵ، و نرخی رەسێدە ١١ ملیۆن کرۆن سویدی کە کەێدە ٩٩٩ هەزار و ١٣٧ دۆلار.

لەی خوارە لیست خاوەنەیل خەڵات نۆبڵی ئابوورییە لە ماوەی نۆ ساڵ گوزەشتە:

 ٢٠٢٢: بن بێرنانکە (ئەمریکا)، دۆگلاس دایمۆند (ئەمریکا) و فیلیپ دیبڤیگ (ئەمریکا)، ئەرا کارەیلیان لەبان قەیرانە داراییەیل و بانکی.

 ٢٠٢١: لەلایەن ئەکادیمیای شاهانەی سوید ئەرا زانست خەڵات کریا وە دەیڤید کارد (کەنەدا)، جوشوا ئینگریست (ئەمریکا) و گویدۆ ئیمپێنس (هۆڵەندا/ئەمریکا)، ئەرا کارەیلیان کە زانیاری لەبان چەن بواریگ فراوانتر کردیە، لەوانە بازاڕ کار و کووچ و پەروەردە .

 ٢٠٢٠: بردنەوەی لەلایەن پۆڵ میلگرۆم (ئەمریکا) و رۆبەرت ویلسۆن (ئەمریکا)، لەبان  "خاسترکردن نووڕین زیادکردن و داهێنان چوارچیوەی نوو زیادکردن."

 ٢٠١٩: خەڵات کریا وە ئەبیجیت بانەرجی (ئەمریکا)، ئیستەر دوفلۆ (فەرەنسا/ئەمریکا) و مایکل کرێمەر (ئەمریکا)، ئەرا کارەیلیان لە کەمکردن هەژاری جەهانی.

 ٢٠١٨: ئەرا ویلیام نۆردهاوس و پاوڵ ڕۆمەر (ئەمریکا)ەو خەڵات کریا لەبان کارەیلیان کە داهێنان و ئاڵشبوین کەشوهەوا وەگەرد گەشەی ئابووری تیکەڵ کردیە.

 ٢٠١٧: ئەرا ڕیچارد تالەر (ئەمریکا) لەبان کارەیلی لە ئابووری رەفتار، وەتایبەتی میکانیزمە دەروینی و کۆمەڵایەتییەیل کە کاریگەری لەبان بڕیارەیل رەکاربەر یا بەرهەمهاور دیرێد.

 ٢٠١٦: خەڵاتەگە دریا وە ئۆلیڤەر هارت (بەریتانیا/ئەمریکا) و بێنگت هۆڵسترۆم (فینلاند) کە نویسەرەیل نووڕین گریەبەسیین.

 ٢٠١٥: دریا وە ئەنگوس دیتۆن (بەریتانیا/ئەمریکا)، ئەرا لێکۆڵینەوەی لەبان وەکاربردن و هەژاری و خوەشگوزرانی.

 2014: ئەرا ژان تیرۆل (فەرەنسا) لەبان “شیکاری دەسەڵات بازاڕ و ڕێکخستنی”.