شه‌فه‌ق نيوز/ له روێداگيگ فريه ئه‌ڵڵاجه‌وێ له ئوردن، جايه‌ڵيگ ئوردنى 45 دويه‌ت خه‌ڵه‌تان و ده‌زويرانى گشتيان كرد له ماوه‌ى 4 مانگ، ئه‌ويش وه ئه‌وه‌گ خوه‌ى وه ده‌وڵه‌مه‌ن فريه گه‌ورايگ نيشانداگه له‌وه‌رچه‌و گشتيان و سه‌ياره‌يگ مۆدێل تازه وه‌پى بويه.
له‌ى باوه‌ته‌و، رائد سه‌مور شاره‌زاى ئاسايشى له ئوردن وت: يه‌كه‌ى تاوانه‌يل ئه‌لكترۆنى ده‌سگير ئه‌و جايه‌ڵه كردنه له‌شوون به‌رزه‌وكردن شكايه‌ته‌يل دوباره‌كرياگ له‌بانى وه ئه‌وه‌گ ئه‌و جايه‌ڵه ئه‌و هه‌مگه دويه‌ته‌يله له‌ڕى ئه‌نته‌رنێته‌و خه‌ڵه‌تانگه‌و ئاشنايى وه‌ل هه‌ركام له‌ليان كردگه چيه‌سه سه‌ردانى له ماڵ و چه‌وى كه‌فته‌سه خيزانى و داواى كردگه‌و فاتحه‌ى خوه‌نينه وه نياز ده‌زويرانيكردن.
جى باسه، ده‌زگايه‌يل ئاسايشى ئوردنى ده‌سگير ئه‌و جايه‌ڵه كردنه وه‌خاتر له‌وه‌رگرتن ڕى وشوون ياسايى ده‌رهه‌قى، چوينكه له‌يوا ده‌ركه‌فت ك پويليش له‌و دويه‌ته‌يله بردگه وه‌هساو ئه‌وه‌گ ئه‌رايان بخه‌ێده كار.