شەفەق نیوز/ کارناسان سازمان وڵاتە یەکگرتووەێلە وتنە: دەوران بنزین سرفت‌دار وە سەر هاتگە و خەتەر گەپێ ک وە بوونەێ وە کار بردن ئی سووختە، هەڕەشەێ گەپێ ئەڕا ئایمەێلە ئوو گشت دنیا بی لە ناوە ئەڵگیریاگە.
دە دەهەی هەفتاگان، گشت وڵاتێ بنزین سورب‌دار دبردنە کار ئوو ئێسە ئەڵجەزایر ک دۆماوڵاتێ بی ک بنزین سرفت‌دار دبردە کار، هەم ئی کارە ناگەسە لا.
سرفت، ساڵان ساڵە ک ئایمەێلە تووش مردنەێل کوت و پڕ و سنان و سەڵەتان و سکتە و بیمارییەێل سییە و پفی و دڵ‌ژان و سەرئێشەێ فرەیێگ هاوردگە ئوو لابردن بنزین سورب‌دار دتوانێ نواێ مردن ساڵێ یەک‌میلیوون و دوسەد هزار کەس بگرێ.
دە تەحقیقاتێ ک کریاگە لەێ‌وا دیار داگە ک سرفت؛ فرە سەمدارە ئوو شوونێ هە دمینێ ئوو دە شار لەندەن ک لە بیس ساڵ وەر ژە یە تا ئێسە، وە کار بردن ئی‌جوورە بنزینێگیش دەێ، مەێن و منا کریاگە هێمانیش هەم شوون و ئاڵنگ وەکار بردن سرفت دیارییە.
سرفت؛ ئاو، کەژ و هەوا، گیان، خاک، دار و درەخت و گشت چشتی ئالوودە و دەروەس دکه‌ێ