شەفەق‌نیوز- دوماێ بیس و هەفت ساڵ هامسەری، بیل و گیتس و ژنەگەێ وەیەکا وتنە ک دخوازن لە یەکترەکی جگاوە ببن.
ئەوان وتنە ک دوماێ ئی هەمگە ساڵە ک ژیان کاری و هامسەری وەرد یەکترەکی داشتنە ئێسە ئەوڕەسینە ک دی نەدتوانن پێشکەفتن تازەیێگ وە یەکا بداشتووبن و ئەڕا یەسە ک دخوازن لە یەک جیاوە ببن.
ئەوان ک ئێسە سێ زاڕوو دیرن و لە دومادوماێل دەهەێ 80 زایینی ک ملیندا چگه شێرکەتەگە وەرد یەک بینە، بێ‌ژە کار شێرکەتەگە، وەرد یەکتری و ئەڕا خاتر ئەنجام داین هامیارییەێل ئێجتماعی شێرکەتەگەیان و باس CSR، بنەڕاێ بنیاتێگ وه نام "بیل و ملیندا گیتس" نانە و دە ئی دوماقەێڕانەیش چەن ملیارد دولار دانە ئەڕا نواگیری لە واگیرداری کورونا ئوو تا وە یەمەێ، دە دنیا جوور یەکێ لەو شیکەێل دیاری و هەمدڵە دناسریان.
بیل‌گیتس، یەکێ لەو دوانەسە ک بنەڕاێ شێرکەت مایکروسافت دە ساڵ 1970 ناگە ک گەپترین شێرکەت نر‌م‌ئەفزاری دنیاسە. ئەوی، وەوجوورە ک گوڤار فوریز وتگە وە 124 ملیارد دولار، چوارمین دەوڵەمەن دنیاسە .