شەفەق نیوز/ وەپای توێژینەوەیگ چەن زانیایگ بایۆلۆجی ئەنجامی دانە دەرچگە ئەو کەسەیلە لە نزیک سرووشت و ژینگە ژیان کەن وە بەراورد وە کەسەیلتر گەنجتر دەرکەفن و تەندروستر زندگی کەن.
چەن زانایگ بایۆلۆجی لە ئەمریکا توێژینەوەیگ زانستی ئەنجامدانە ئەرایان دەرکەفتیە، ئایەم تا نزیکەو بوود لە سەوزاییی ئەو کرۆمۆسۆمەیلە پەیوەنی وە گەنجی مەنن رووخسار دیرێد گەشە خاستر کەن وە بەراورد وە ئەو کەسەیلە لەناوچەیلتر زندگی کەن.
دیاریکرد، گەشەکردن ئەو کرۆمۆسۆمەیلە پەیوەنی وە گەنجی مەنن روخسار دیرێد وەشیوەی خاستر و زویتر کارکەن رووخسار ئەو کەسەیلە دوو ساڵ و نیم گەنجتر لە تەمەن ئاساییان دەرکەفێد.
مایکڵ کۆوت توێژەر بایۆلۆجی لە ناوەن توێژینەوەی ئەمریکا راگەیانیە، ئاڵشتبوین ژینگەیی کاریگەری زیاتریگ لەبان ئایەم دیرێد وە بەراورد وە کاریگەری مادەیل کیمیایی و نەشتەرگەری جوانکاریەگان کە ئایەم ئەرا گەنج مەنن رووخساری هەوەجە وەپی بەێد.