شەفەق نیوز ـ وەدویاچگن

 توێژینەوە نوویەیل مەردم لە ئەنجامداین نەشتەرگەریگ زرانی ئاگادارکەن.

توێژینەوەیگ کە لە ماڵپەڕ"cbsnews"ـ بڵاوکریاس، ئاشکرای کەێد جویرە نەشتەرگەریگ باو زرانی نەک هەر وەلیفەتدار نیە بەڵکم هاتێ زەرەد زیاتر وە بیمارەیلی بڕەسنێد.

زانایەیل لە تاقیکردنەوەیگ بەراوردکاری دەرخستنە ئەنجام ئێ نەشتەرگەریە هویچ جیاوازیگ وەگەرد نەشتەرگەری وەهمی تەنیا بڕین پووس  وەبی دەسکاریکردن کڕکڕاکە نییە، بەڵکم پرۆسەی کڕیان جومگەیل زرانی زویترەوکەێد و بیمارەگە وەرەو ئاڵشتکردن جومگە بەێد.

توێژینەوەگە ئەو دڕیان  و ئەزیەتیەلە نیەگردەو وە مدوو رویداو لەناوکاو وەرزشی یا تون دروسبویە، بەڵکم تنیا تایوەتە وەو خزیان سروشتیەیل کڕکڕاگە وە مدوو تەمەنەو روی دەێد  لەری تیشک  (MRI) دەرکەفێد.

پسپۆرەیل سوخان و جومگە ئیرنگە دووپاتکەن خاسترین و یەکەمین چارەسەر ئەرا ئێ حالەتە ئەنجامداین چارەسەر سروشتی و کەمکردن کێش لەشە، نەک نەشتەرگەری کە بڕ تێچگ فرەیگ دیرێد  و کاریگەریراستەقینە نییە.