شەفەق نیوز/ توێژینەوەی نوویگ چەسپانیە هەبوین سەوزایی لە شوینیگ کە ئایەم لەلی زندگی کەێد هیلێد دوو ساڵ و نیم لە تەمەن راستەقینەی خوەی بویچگتر دەربکەفێد.
توێژینەوەگە لە گۆڤار Science of the Total Environment بڵاوکریایە و لەناوی هاتییە، زندگی کردن لەو جیگەیلە رووبەر سەوزاییان فرەس هیلێد ئەو کەسەیلە بوویچگتر لە تەمەن خوەیان دەربکەفن.
توێژەرەیل ئویشن، سەوزایی دڵڕەواکی کەمەوکەێد، پیسبوین هەوا و دەنگەدەنگ کەمەوکەێد، چالاکی لەش زیایەوکەێد و تێکرای تاوان لەناوچە سەوزایەیل کەمترە گشت ئیانە هووکارن تا ئایەم درەنگتر پیرەوبوود.