شەفەق نیوز/ لە ئەنجام توێژینەوەیگ کە لە زانکۆی  ساوز وێڵزی ئوسترالیا ئەنجامدریا دەرکەفتیە، ئەو کەسەیلە رووژانە سەوزەو میوە خوەن، ئەگەر تویشهاتن وە خەمۆکی کەمترە.

توێژینەوەگە لەبان سێ هەزار و 480 کەس ئەنجامدریایە کە تەمەنیان لە بان ٤٥ ساڵ بویە ئەرا ماوەی ١١ ساڵ چەودێری وەردەوام ئەو کەسەیلە کریایەکە وەگەرد زیایبوین تەمەنیان، تویشهاتنیان وە خەمۆکی کەمتر بویە بەراورد وە کەسەیلە  سەوزە و میوە نیەخوەن،  سەوزە و میوە بڕیگ فرە   ماددەی دژە ئۆکسێنەر و ڤیتامین و کانزاگان لە پێکهاتەکەیلیان هەس  کە پاڵپشتی تەندروسی لەش کەن، لەناویان تەندروسی مێشک.

باس لەوەشکردیە، ئەو خاردنەیلە رووژانە خوەنێ و تەندروسی کۆئەندام هەرس پەیوەنی راستەوخوەی وە بار دەروینی ئایەم دیرێد.

وەپای ئامارەیل رێکخریاگ تەندروسی جەهانی، ساڵانە زیاتر لە 300 ملیۆن کەس تویش  خەمۆکی بوون، لە٩١%ی ئەو کەسەیلە کە تویش بیماری خەمۆکی بوون لە جیهان چارەسەر پێویست وەرنیەگرن.