شەفەق نیوز/ توێژینەوەی نوویگ چەسپانیە دروسکردن تاتۆ وەبان لەش هووکارە ئەرا تویشهاتن وە بیماری لیمفەرژێنەیل.
زانایەیل زانکۆی لۆند لە سوید توێژینەوەیگ ئەنجامدانە، ئەرایان دەرکەفتیە ئەو کەسەیلە وەبان لەشیان تاتۆ دروسکەن، مەترسی تویشهاتنیان وە شێرپەنجەی لیمفەرژێنەگان وە رێژەی %21 زیاترە.
کریستڵ نیلسن نویسەر سەرەکی توێژینەوەگە ئویشێد، بڕیگ کەس ئەزڕەتەیلیان وە تاتۆ گوزارست کەن، باوجی مەردم بایەت بزان یە کاریگ تەندروسە؟
وەپای ئەنجامەیل توێژینەوەگە، تا قەبارەی تاتۆگە گەپتر بوود مەترسیەگە زیاترەوبوود.
لە توێژینەوەگە 11 هەزار و 905 کەس بەشداری کردنە، زانایەیل ئویشن هەوەجە وە توێژینەوەیگ زیاتر کەێد ئەرا رەسین وە ئەنجامیگ هویردتر.