شه‌فه‌ق نيوز/ رووژنامه‌ى "ده‌يلى مه‌يل" له‌ راپۆرتيگى گرته‌يگ وێنه‌گرياێ ئه‌را بازرگانيگ بريتانى بڵاو كردگه‌ ك گه‌نجينه‌يگ ته‌ڵا ديه‌سه‌و له‌ناو ده‌بابه‌يگ عراقى و له‌ وه‌رجه‌ ماوه‌ێگ سه‌ندوێده‌ى.

ئى بازرگان بريتانيه‌ باوه‌ڕ ئه‌وه‌ نه‌كردگه‌ ئى گه‌نجينه‌ى ته‌ڵا وه‌ى شيوه‌ بكه‌فێده‌ ده‌سى ك نرخه‌گه‌ى له‌ 2 مليۆن و 400 هه‌زار دۆلار فيشتره‌ و سه‌نده‌سه‌ى وه‌ كه‌متر له‌ 38 هه‌زار دۆلار له‌ مه‌زاديگ ئاشكرا له‌ڕى ئه‌نته‌رنێت.

راپۆرته‌گه‌ ئاماژه‌ وه‌ ئه‌وه‌ ئه‌كا ك شوفێر ده‌بابه‌گه‌و ئه‌و كه‌سه‌يله‌ وه‌ليا بوينه‌ ئه‌و گه‌نجينه‌ى ته‌ڵا له‌ كوه‌يت دزينه‌ له‌وه‌ختيگ له‌لايه‌ن سوپاى عراقيه‌و داگير كرياو شاردوينه‌وه‌ى له‌ناو مه‌خزه‌ن يه‌ده‌گ ده‌بابه‌گه‌.