شەفەق نیوز/ گەپترین گوڵەم ماسی لە جەهان "ئەکوادۆم" ک لە هۆتێل رادیسۆن کۆلێکشنە لە ناوەڕاس بەرلین پایتەخت ئەڵمانیا، تەقیا و یەك ملیۆن لیتر ئاوی لەلی رشیا.
پۆلیس ناوخوەی ئەڵمانی وت، ئەو گوڵەمە ک نزیکەی یەك ملیۆن لیتر ئاو و ١٥٠٠ جویر ماسی لەناوی بویە تەقیا و تەقینەوەگەیش فرە قایم بویە، لەو وەختە ٣٥٠ کەس لە هۆتێل و سەنتەر بازاڕکردنەگە بوین.
لەوەر تەقینەوەی ئەو گوڵەم لولەییە بەشیگ لە هۆتێلەگە شکیا، هەمیش چەن کەسیگیش زەخمداربوین وە کوتە شیشە شکیایەل.
لەلای خوەیانیش و پیاوەیل ئاگرکپەوکردن لە بەرلین وتنە، لەوەر پەراشەی شویشە شکیایەیل نەتوەنستنە بچنە ناو نهۆم زەویەگەی تەنیا سەگ پۆلیسی کلکردنە ئەرا دڵنیابوین لەوەگ هویچ قوربانییگ نەمەنییە.