داهات ئی فیلمە ک ئەرا یەکەمجار لە ساڵ ١٩٩٧ نمایش کریا، لە دوو ملیار و ٢٥٧ ملیۆن دۆلار رەد کرد لە سەرانسەر جەهان، لە وەختیگ داهات ١٥ ملیۆن و ٣٣ هەزار دۆلار لە ئەمریکا گردەو کرد و لە ساڵ ١٩٩٦، ٥٥ ملیۆن و ١٢٣ هەزار دۆلار   لە هۆڵەیل سینەما لە ئاست جەهان دویای نمایشە نووەگەی گردەو کرد.

  ئەو کۆمپانیا ک فیلم تایتانیک بەرهەم کرد، گلەیگتر لە سینەمایل نمایشى کرد وە تەکنەلۆژیاى “3D و هویردی بەرز” (3D 4K) تا وەگەرد شاشەیل ئیسە بگونجێد، ک وەلایەن پەیج ئینستاگرام فیلمەگەو راگەیانن کریاگە، ک وت: فیلمەگە دووارە لە سینەمایل نمایش کریەێد وە هاوبەشی وەگەرد ئاهەنگ جەهانی ڤالانتاین، هەرلیوا وەگەرد رەدبوین چارەک سەدەیەک لەبان یەکەم نمایشکردن فیلمەگە، ک یەکیگە لە گرنگترین بەرهەمەیل رۆمانسی سینەمای جەهانی.

فیلمەگە باس لە کارەسات نوقمبوین کەشتی گەپ نەفەر هەڵگر ئینگلیز تایتانیک کەێد، لە یەکەم گەشتیی لە زەریای ئەتڵەسی، ک گەورەترین کەشتی نەفەر هەڵگر بوی لەو سەردەمە. 

لە مانگ نیسان ساڵ ١٩١٢ کەشتییەگە لە یەکەم کاروانی لە لەندەنەو وەرەو نیویۆرک وەرەو ئەودیم زەریای ئەتڵەسی کەفتە ری، بەڵام دویای ٤ رووژ لە وەڕیکەفتنی، وەرجە لە نیمەیشەو کەفتە وەر کویەیگ یەخین، و لە  ساعەت و ٤٠ خولەک  وە تەواوی نوقوم بوود،  و 706 کەس لە بڕ 2223 سەرنشین رزگار کریان.