شەفەق نیوز/ ژنیگ لە ویلایەت ئەلابامای ئەمریکا، دەسکەفت گەورەیگ هاورد، کە بویە خاوەن درویژترین تەمەن لە جەهان وە گورچگ وە ئەندامیگ وەراز لە لەشی، دویای 61 رووژ لە وەرگردن گورپگ نوویگ، و هەر وەرەو خاسی چوود.
توانا لۆنی ئەرا ئاژانس ئەسوشيتد پرێس وە خەنینەو وت: "م ژنیگ توانادارم، کە لە کەسەیل خیزانی زیاتر گەردێدە ناو شار نیویۆرک".
توانا لونی دانشتگ ویلایەت ئەلەبامای ئەمریکا، ماوەی چەن مانگیگ بوی لەوەر لەکارکەفتن گورچگی ناڵان دویای ئەوەگ بی هیوابوون لە دەسکەفتن گورچگ ئایەم بڕیاردان گورچگ وەراز ئەرای بکاڵن.
نەشتەرگەریەگە لە یەکیگ لە خەسخانەیل نیویۆرک ئەنجامدریا وە قسەی پزیشکەیل، نەشتەرگەرییەگە سەرکەفتی بویە رووژ لەدویای رووژ تەندروسی بیمارەگە وەرەو خاستر چوود و بڕیاردانە لەماوەی نزیکیگ بیمارەگە ئەرا ماڵ کلەوبکرێد.
ئێ خانمە تەنیا کەس نییە گورچگ وەراز ئەرای بکاڵن، لە ماوەی گوزەشتە ئەرا چوار کەس ئێ نەشتەرگەریە ئەنجام دریا باوجیهویچ کەسیان نەتوەنستن لە دوو مانگ زیاتر زندگی بکەن و گیان لەدەسدان.