شەفەق نیوز/ تۆیژینەوەی نوویگ ئاشکرا کرد ک درووزنەگان هەمیشە رەفتار خوەیان ئاڵشت کەن، ک مەزەنە کەن ک گووشگەرە راسگوەگانیان لەبانیان ری کەن.

ئەو تۆێژینەوە ک گۆڤار «رویاڵ سویستی ئۆپین سینس» بڵاوی کرد، و رۆژنامەی «زی سەن» راپۆرتیگ لەبانی ئامادە کرد، تیمەگەی تۆێژینەوە لەبان ٥٠ پیاو کرد.

سۆفی فان دیر زی، لە زانکۆی «ئیڕاسمۆس رۆتردام» وت؛ درووزنەگان هەمیشە وەزانابوین رەفتارەیل خوەیان ئاڵشت کەن، ئەرا شیوەیگ ک مەزەنە کەن ک راسگوەگان وەپیان رەفتار کەن، بەڵکم ئی رەفتار دیاریکریاگە خوەی کاریگە ک خوازن بازی وەبانی بکەن، و دووپات کرد ک ئەوە بوودە شیوەیگ ئەرا ئاشکراکردن درووزنەگان.

خانمە تۆێژینەوەکارەگە ئاشکرا کرد ک تۆێژینەوەگە لەڕی ئەرکدارکردن ٥٠ پیاو وە چەوەچەیلیگ هات، و وەپیان وتیا ک تەنیا ٥ خولەک هاوە دەسیان، و ئەرکەگە فرە ئاسان بوی، وەلی ٥ خولەک وەختیگ فرە کەم بوی.

فان دیر ژی خەوەردا ک وەڵام چەوچەگە لەناو ژوورەگە شاردەو، و ئاسانکاری ئەرایان کرد، و وەپیان وت؛ خەوەر نەیەنە وەرپرسەگە ک من وەڵامەگە ئاشکرا کردمە و ئاسانکاری ئەرادان کردمە.

ئیجا تۆێژینەوەکارەگان قسەیل کەسەگان تۆمار کردن، هەنای باس چوینیەتی پەیاکردن وەڵام چەوچەگە ئەرا یەکتر کەن، و ئەوانەگ پاپەند وە تەمەی فان دیر زی بوین و باس لە راسیەگە نەکردن، درووەگە لەلایان تۆمار کریا.

کەسەگان ئامێرەیل پەیمانەی لاسلکی کردنە وەریان، ک جوولەی سەر و سینەیان ئاشکرا کەن.

و ئەنجامەگان دەرخستن ک ئەو پیاوەیلە ک دروو نەکردن، جوولەیل لەشیان جیواز بوی لەوانەگ دروو کردن.

وەگەرد ئەوەیش؛ وەگەرد درووکردنیان جوور جوولەی ئەو کەسە ک ئەرایان قسە کردیان ئەوانیش وە هەمان شیوە جوولە کردنیان.

تۆێژینەوەکارەگان ئەوە چەسپانن ک درووزنەگان وەبی هەستیگ لە خوەیان، وەشیوەی ئەو کەسەیلە جوولە کەن ک قسە ئەرایان کەن، چوونکە درووکردن جەخت فرەیگ خوازێد، و تاریکردن زوان لەش فرەترە لە هویرەوکردن وە خوەیان.