شەفەق نیوز/ مەوقەی دەرچگن پیاویگ ئەرا ڕاو ماسی لەناو چەمیگ لە ناوچەی لەهد داتو خوەرهەڵات مالیزیا، کوڕ یەک ساڵانی وەگەردی بوی، کەفتنە وەر پەلامار تیمساحیگ.

میدیایل راگەهانن مالیزیا وتن: ئەو بەلەمە ک باوگ و کوڕەگە لەناوی بوینە، کەفتە وەر پەلامار تیمساح، ک زەخمدار سەر پیاوە چل ساڵەگە کرد، و کوڕەگەی ئەرا بن ئاوەگە لەوەرچەو باوگی رفان، و باوگەگە وەزەخمداری رەسیە کنار ئاوەگە.

سومسوا راشد خانمە وەرپرس ئاگرکپەوکردن و رزگارکردن لە ناوچەی لەهد داتو وت: کەفتنە مینەی مناڵەگە، و باوگەگە کەفتیەسە وەر زەخمەیل سەختیگ.

وتیش: پیاوەگە ئەرا خەسخانە بریا، و هیمان پەیای تەرم مناڵەگە نەکریاگە.