سایت (androidpolice)، چەن تەمەیگ پیشکەش کەێد تا نەوێدە قوربانی خەڵەتیان لەبان بازار فەیسبووک، لەی تەمەیلە:

خاس بزان ئەو کەسە ک چشتیگ ئەراد فرووشێد کییە، و ناسنامەی ئەو کەسە بناس ک هەناێ خوازێد چشتیگ بسینی پەیوەندی وەگەردد کەێد، بنووڕە هەژمارەگەی لەبان فەیسبووک و بزان یە چەن مانگیگە هابان فەیسبووک نەگ دویەکە و پیرەکە ئی هەژمارە دروس کردیە، و ئەگەر گومان کردێ داوای بەڵگەنامە لەلی بکە، و ئەرا نموونە هەمیشە هەژمار درووکانی پەیوەندی تەلەفۆنی وەڵام نیەێد.

دویر لەو نرخەیلە بکەف ک فرە موفتە، جاروبار چشتیگ دوینێ وە دە قات خوار نرخ خوەی فرووشیەێد، هەمیشە ئەوە خەڵتاننە.

بڕوا وەو کەسەیلە نەکە ک ئویشێد کەسیگ دەێد لە دەر ماڵەگەد و ئەوەسا چشتەگە ئەراد رەسنێد، بایەتە بویشێ من وەخت نەیرم، و داوا لە کۆمپانیاگە کەێ وەدەس کەسیگ چشتەگە کل بکەێد، و هەنای رەسێدە ماڵەگەد، و چشتەگە وەدەس خوەی بەێ، ئەو مەوقە پویلەگەی بیە.

ئەگەر چشتیگ فرووشێ، چشتەگە کل نەکە تا چەوەڕی پویلەگەی بکەێ، وەیجویرە پویلەگە لەدەس دەێ.

هەنای کابرای بسین وە زوی خوازێد چشتەگە بسینێد، و زوی رستەیلی ئەراد نویسێد، و دانوسەنین لەبان نرخەگە نیەکەێد، بایەتە گومان لەوە بکەێ.

داوای چەوپیکەفتن وەرد بفرووش/ بسینەگە بکە، خاسترە ک وەگەرد کەسیگ نزیک بسینێ یا بفرووشێ، ک بتوەنێ پویلەگە بەێ یا چشتەگە بوەێ، ک ئەوسا وتیان (دەس دەس ناسێد).