شەفەق نیوز ــ میسر

تیمیگ پزیشکی لە میسر و سەرکەفتی ژیان بیماریگ قورتارکرد کە رەسیە وتاق نەشتەرگەری خەستەخانەی گشتی  غه‌ردقه‌ و وه‌ده‌س ژانە زگ فرەیگ و شەکەتی ناڵان، دویای وشکنین دەرکەفت مۆبایل قویت دایە.

 وەپای راپۆرتیگ كه‌ناڵ (العربیه‌) دویای ئه‌نجامدان وشکنین گشتگیر، لە وشکنین سی تی سكان و وشکنین پزیشكی، دەرکەفت كه‌ ته‌ن ئەلاجویگ نامۆ له‌ گه‌یه‌ی بیمارەگە هەس، دویای دەرکەفت مۆبایل بویچگیگە و رخداری وەرچەیگ وە بان ژیانی دروسکردیە.

 تیمیگ پزشکی توەنستنە و سەرکەفتی مۆبایلەگەدرارن وەبی ئەوەگ هویچ گرفتیگ تەندروسی لەلی بکەفێد، و نەشتەرگەریەگە وە  "ناوازه‌ و ده‌گمه‌ن" وه‌سفكریا.

بیمارەگە دویای نەشتەرگەری هووشی هاتیەسەو، دەرکەفتیە بارودۆخ تەندروسی جیگیرە، و ئیرنگە ها ژیر چەودێری پزشکی و ئیدارەی خەستەخانەگە دەسخوەشی لە تەقەلایل تیمە پزشکیەگە کرد لە مامەڵەکردن وەرد حاڵەتەگە.