شەفەق نیو/ دەسەیگ ناوجیکردن ک پسپۆڕەیل زوان ئەڵمانی هاناوی، وشەی «تیرۆرستەیل کەشوهەوا» (Klimaterroristen) جویر بەدترین وشەی ساڵ ٢٠٢٢ لە ئەڵمانیا دیاری کرد.
دەسەگە لە شار ماربزرج، وت: ئەو وشە ئەرا رسواکردن چالاکوانەیل و نارازاییان وەخاتر مقەیتیکردن ژینگە وەکار هاتیە.
دەسەگە رەخنە لە وەکارهاوردن وشەگە کرد ک چالاکوانەیل و و تیرۆرستەیل کەێدە یەکیگ تا تاوانبار و رسوایان بکەن، و دیاری کرد ک وەو کارە شیوەیل ناڕەزایی ئاشتەوایی و مانگگردن مەدەنی و وەرخودان دیموکراتی خەێدە خانەی تونوتیژی و دژایەتی دەوڵەت.
دەسەگە لە ساڵ ١٩٩١ تا ئیسە کار لە دیاریکردن بەدترین وشە کەێد تا بەدوەکارهاوردن زوان نشان بەێد، ئمجا هوشیاری ئەرا وەکارهاوردن وشەی کونجیاگ بڵاو کەێد.
لە پلەی دویەم لە لیست دەسەگە وشەی «گەشتوگوزاری کۆمەڵایەتی» هات، ک لە ساڵ ٢٠١٣ خود وشەگە لە پلەی یەکەم بوی.