نێرمین سولەیمانۆڤیچ پارچە ڤیدیۆیگ لە "ئینستاگرام" بڵاو کرد و مکیس فۆڵۆوەرەیلی کرد تا تەماشای رویداویگ کوشتن بکەن.
ئیجا سولەیمانۆڤیچ لە گرتە ڤیدیۆییەگە دەرکەفێد کە دەوانچەیگ ها دەسی و فیشەکیگ نەێدە تیوڵ ژنیگ و دەنگ هاوار دویەتە کوورپەگەی ئەو دوو هاوسەرە لە ڤیدیۆگە رەسێدە گووش.
سولێمانڤیچ لە گرتە ڤیدیۆییەگە ئویشێگد "گشت لایگ ئاگادار کردیە کە رەسێدە ئی ئاستە، هەشت رووژە کوورپەگەم لەلیم شارێدەو".
وەگورەی رووژنامەی "دەیلی مەیل" بەریتانی، وەگورەی میدیای ناوخوەیی بۆسنی، سولەیمانۆڤیچ ئەندام باندیگە، و وەرجەیە وە کردەوەی تونوتیژی و مرافە و دەمەقاڵ سزا دریایە و هەرلیوا دەس لە بازرگانیکردن وە ماددەی هووشبەری داشتیە.
وەگورەی قسەی پولیس بۆسنە، سولێجمانۆڤیچ ٣ کەس کوشتیە و کۆتایی وە ژیان خوەی هاوردیە و ٣ کەسیش زەخمدار بوینە.
پولیس لە کۆمێنت لەبان ئەو گرتە ڤیدیۆییە کە لە “ئینستاگرام” بڵاوی کردیە، وتیە: کەفێدە شوین ئەو کەسەیلە کە پشتگیری لە بکوشەگە کردنە.