شەفەق نیوز/ لەناو یەکیگ لە بویچگترین ئاوایەیل ئیتالیا، یەکیگ لە ئەڵاجەوترین هەڵوژاردن وەڕیەو چوود.
لە ئاوای ئینگریا نزیک تۆرینۆ باکوور ئیتالیا، تەنیا 46 کەس هاناویر وەلێ 30 کەس لەی ئاوایە خوەیان کاندید کردنە ئەرا هەڵوژاردن.
لەبان ئەوەیش، ئیگور دی سانتیش سەرۆک شارەوانی ئینگریا، کەفێدە وەر سەختی لە هەڵۇژاردن هەفتەی ئایندە، لە تەقەلای ئەرا رەسین وە پۆستەگەی ئارا چوارەم گلە.
وەگورەی رووژنامەی گاردیان بەریتانی، شیواز بنەماڵەیی لەناو هەڵوژاردن ئاوایەگە زاڵە، کە داڵگ دی سانتیس کەفتە هاوماڵی وەرانەور ریناتۆ بولیتۆر کە باپیری تا ماواەی 30 ساڵ کویخای ئاوایەگە بویە.
دی سانتیس وت: داوا لە داڵگم کردم ئەویش خوەی کاندید بکەێد، و هەناێ دی کە لیستەکە پڕی ژنە، ئەویش هاتە ناو، و گشتیان خوەیبخەشن وەخاتر ئاواییەکە.
ئینگریا کەفێدە دووڵ سوانا، چواردەوری کویەس، و کیچەڵ بارکردن مەردمەگەی دیرێد لەوەر زوور خزمەتگوزاریی و سەختی وەفر لە زمسان.