شەفەق نيوز/ رووژنامەی "تەلەگراف" بەریتانی، ئمڕوو دووشەممە، خەوەردا لە توومارکردن بەرزەوبوین لە سزیان ماشینەیل کارەبایی لە بەریتانیا، کە رەسێدە 77% لەماوەی دوو ساڵ گوزەشتە، دیاری کرد کە تیمەیل وەرگری شارستانی پارەکە 232 ئاگر کپەو کردنە، وەرانوەر  131 دویداو وەرجە سێ ساڵ.

 پسپۆڕەیل باس سزیان ماشینەیل کارەبایی وە فرەترین رخداری کەن وەرانوەر سزیان ماشینەیل بەنزین یا دیزڵ، ئەوەیش لەوەڕ سەختی کپەوکردنی.

 دیاری کردن کە ئاگر پاترییەیل لیسیۆم-ئەيۆن لەو جویرەسە کە وەردەوام لەناو خوەیەو سزێد، کە تا چشتەیل ناو پاتریەگە نەسزیەن ئاگرەگە هەر مینێد.

دیاری کردن کە ئی سزیانە فرەجار بە بەرزەوبوین گەرمی پاتریەگە تیەێد، وە شیوەیگ کە توانای کۆنترۆڵکردنی نییە.

 هەرچەن ئی رخەیلە هەس، حکومەت بەریتانیا وەردەوام بوی لە جیوەجیکردن سیاسەت قەیەغەکردن فرووشتن ماشینەیل سزەمەنی وەگەرد هاتن ساڵ 2030، مە وەزیر کاروبار جۆناسان رينوێدز، رازی لە داتایەیل کەرت ماشینەیل نەوی تا ئەو بڕیارە بخەێدە دویا.

کامیرایل چەودیاریکردن لەی مانگە رویداو سزیان ماشینیگ کارەبایی هامبشايەر توومار کردن، کە لە ساعەت پەنج شەوەکی ئاگرەگە رەسیە ماڵیگ، وەلێ کەسەیل ناو ئەو ماڵە خوەیان قورتار کردن.

بەریتانیا بەرزەوبوین لە شمارەی ماشینەیل کارەبایی لە 664 هەزار ئەرا زیاتر لە 1.3 ملیۆن ماشین لە ساڵ  2024 توومار کرد، مە ئەمەرەیڵ ئی جویرە رویداویگ زیایەو کەێد.

لەلای خوەییش، خزمەتگوزاری کپەوکردن ئاگر لە بيدفوردشايەر دووپات کرد کە فرەی ئی ئاگرەیلە لە ئەنجام تێکچگن پاتێی یا گەرمی فرە تیەێد، وەلێ دووپات کرد کە ماشین کارەبایی فرە بیوەیە.

  سزیانەگە تەنیا لە ماشینەیل کارەبایی نەوی، بەڵکم رەسیە پایسکلەیل کارەبایی لە خود ناوەکە لە 181 ئەرا 362 رویداو، لەناو ئاگادارکردن لە پاتریەیل گەن.