شەفەق نیوز/ بەڕۊ ئه‌و خوەراكه لە هۊرچگە وه سووددارە، له سروشت كوردستان فرەس، لەهەمان وەخت گشت جوورەێلیل بەڕۊ سوود ئەرا ته‌ندروسیی ئایەم دیرێد، له‌لایه‌گتر تۊەنین بۊیشمن ئەو خوەراکەس لەی سەردەمە فرە بینازە و به‌های خوەراکیەگەی یزانیمن.
پسپۆڕیگ گیاده‌رمانی كورد، سووده‌ێلی ئاشكەرا کەێد و جۊر گه‌وھه‌رییگ ئەرا ته‌ندروسی ناوی نەێد.
ئمڕوو پەنجشەممە 18ی تشرین دۊیەم، دكتۆر به‌در قادر سوورچی پسپۆڕ چاره‌کردن بیماری وه گیاده‌رمانی، راگەیان ، "هەنای باس بەڕۊ کریەێد، واته سروشت رەنگینەگەی كوردستان ك کۊیەێلە وەو داره پڕ به‌ره‌كه‌ته رەنگینیەو کردنە، لەوەر ئەوە بایەد گشتمان گرنگی فرەێگ وە خواردن بەڕۊ بەێن، یەیش چوودەو ئەرا ئەو سوودەێل گرنگە ک دیرێدێ".
لە باوەت سوودەێلی دكتۆر به‌در ئاشكەرای كرد، "بەڕۊ جۊر خوەراکیگ وزه‌به‌خش دانریەێد، لەوەر بڕ فرەیگ له كاربۆهیدرات ک تۊێنێد بڕیگ فرە وزه بەێدە پید، لەهەمان وەخت ئەرا ترشه‌ڵۆگ و زەخم گەیەیش وە سووده، وەگەردی چەپی پەل بەڕۊ ئەرا نه‌ھێشتن ژان دگان گونجێد، له‌لاییگ تریش خواردن بەڕۊ ئەرا چاره‌کردن بیماری ئه‌كزیما وەسوودە، و ڕێژه‌ی شه‌كەر له خۊین رێک خەێد".