شەفەق نیوز/ یەکیگ لە ئاوایەیل ئیسپانیا، ئاهەنگ ئەرا کاریگ کردن ک لە ساڵ ١٩٩٣ تا ئیسە لەناو ئاوایەگە نەویە.
وەگورەی «تایمز» بەریتانی، ئاوای فیلانویفا دی جیلوکا، خوەشی گەورەیگ وەو خەوەرە کرد ک لەناو دانیشتگەیل باسی کریا، ک یە ٣٠ ساڵە چەوەڕی ئی خەوەرە کەن.
وەی خەوەر خوەشە، باسیلیا توریس کویخای فیلانویفا دی جیلوکا، بڕیار دا ئی خەوەر خوەشە بڕەسنێدە گشت جەهان، ک ئی ئاوایە نزیکەی ٦٠ کەس لەناوی داکاسیاگە، بەشیگە لە ناوچەی ئەرجوان، کەسیگ خوار تەمەن ١٥ ساڵان لەناوی نییە.
رووژنامەی "هيرالد ئەراجون" ئیسپانی وت: لەداڵگبوین "ليری" خوەشی دەگمەنیگ خستە ناو دڵ خەڵک ئاوایەگە، ک قەت لە یادیان نیەچوود.
لە ئەنجام کەمەوبوین شمارەی دانیشتگەیل لە ناوچەیل ئیسپانیا، خوەشی وە پیابوین ئەو مناڵە لە فیلانویفا دی جیلوکا بویە ناونشان رووژنامەیل.