شەفەق نیوز/ پیاویگ غانایی توەنست ڕیكۆرد باڵابه‌رزترین پیاو جەهان توومار بكەێد، یەیش له مەوقەیگ كه وەرینەگە هاووڵاتییگ كورد باكوور كوردستان ئه‌و ڕیكۆرده تۆمار کردوێد، وەوەیش پیاوه غاناییه‌گه بویه باڵابه‌رزیترن پیاو له جەهان.
سلێمان عه‌بدولسه‌مه‌د پیاویگ غاناییه و وە ئۆشی ناسریاگه، ته‌مه‌نی 29 ساڵه، توەنست ڕیكۆرد به‌زرترین باڵا له جەهان بشكنێد، وە جویریگ ک به‌رزی باڵاگه‌ی 2 مه‌تر و 89 سانتیمه‌تره.
ئۆشی له ئه‌كرای پایته‌خت غانا ژیەێد، و له ته‌مه‌ن 22 ساڵیه‌وه ده‌س وە گه‌شه‌یگ نائاسایی کردیە، ک خوەی ئەویشێد: ئه‌گه‌ر کەسیگ دویای سێ مانگ بوینێدەی، هەس کەێ ک باڵای به‌رز بویە.
ئۆشی له ته‌مه‌ن 22 ساڵانە، له كوشتارگه‌ی ئاژه‌ڵ كار كردیه و پاره ئەرا هوکارەبوین رانین ماشین هەڵگردیە.
ئۆشی ئویشئد؛ شەوەکیانیگ هەس كردم زوانم له ناو دەمم گه‌وره بویه، تا ئه‌و ئاسته كه نەتوەنستم هه‌ناسه بیه‌م و خه‌ریك بوی خنکیام، ئەراوە وه‌ناچاری سه‌ردان ده‌رمانخانه‌یگ كردم، باوجی له رووژەیل دویاتر هه‌س کردم گشت ئه‌ندامه‌یل لەشه‌م ده‌س کردنە گه‌شه كردن و گه‌وره بوین