شەفەق نیوز/ پیاویگ وە ساڵاچگ کوەیتی قاڵبیگ تەڵا بەێدەو باوجی وەلایەن رێکخەر بازیەگە ریگری کرێد لە وەرگردنی.
هاوڵاتیگ کوەیتی بویە جی سەرەنج مەردم لەدویای ئەوەگ سەرکەفتی بەی لەدراوردن قاڵبیگ تەڵا لەناو سندوقیگ شیشەیی، کە یەکیگە لە بازی وەناوبانگەیل جەهان، باوجی ئەوەگ جی سەرنج بوی رێکخەر بازیەگە ریگری کردن لە وەرگردنی.
لە تووڕەیل کۆمەڵایەتی ڤیدیۆیگ بڵاوبویە لەناوی دەرکەفێد پیاویگ دویای تەقەلادان فرەیگ توەنێد قاڵبە تەڵاگە لەناو سندوقە درارێد وفرە دڵخوەشەو بوود لە سەرکەفتنەگەی باوجی وەلایەن رێکخریاگەگە خەوەردار کریاگە بازیەگە تەنیا ئەرا ژنەیلە، لەئەنجام هەنای زانێد نیەتوەنێد خەڵاتەگە بوەێد تویش شۆک هاتیە.