شەفەق نیوز/ پۆلیس هۆڵەندا لە شار ئەمستردام گەشتیاریگ پەیاکردیە ک خوەی لە شۊن تایەر فڕۆکەیگ شاردیەسەو ک لە باشوور ئەفریقا هاتگە.
ئەو پیاوە کە ناسنامەگەی نەزانریاگە خوەی وە تایەر فڕۆکەگە هەڵواسیە وەرجەوەی لە شار جۆهانسبێرگ وەرێ بکەفێد، مەوقەی رەسیەسە هۆڵەندا تەندروسی جێگیر بۊیە ، هەر جۊر ئەوەگ لە هەواڵیگ لە ماڵپەڕ "امارات الیوم" باسکریایە.
قسەکەر پۆلیس سەربازی هۆڵەندا وتیە، ئەو پیاوە وە زینگی پەیاکریایە و ئەرا خەسخانە کلیکردنە، یەیش جی ئەڵاجەۊییە ک وەدرۊژی ئەو گەشتە ک ١١ ساعەت بۊیە وە سەلامەتی مەنیە.
لە دۊیاجار پۆلیس لێکۆڵینەوە لەبارەی روداوەگە کردیە، و دووپاتکردیە ک روداویگ لەی جۊرە دەگمەن لەو وڵاتە رۊدایە.