شەفەق نیوز/ ناو تەواوی ( فرانسوا ئاناتۆل تیبوو )ە لە ناوەن ساڵەیل ( 1844 - 1924 ) زندگی کردیە، خاوەن رۆمان وەناوبانگ ( خوداگان تینگن )ە، هەمیش چەن بەرهەميگ سیاسی و کۆمەڵایەتی دیرێد.
بڕیگ لە قسە دیارەيل ئاناتۆل:
ـ خەنستن خاسترین چەکە ئەرا جەنگ وەرانوەر وە زندگی.
ـ مەرگ هەرگیز سەختر نییە لە لەداڵگبوین.
ـ زانست و ئاگایی کلیلیگە و قفڵ گشت دەرەیلە وەپی واز بوود.
ـ زانست هەڵە نیەکەێد، باوجی زاناگان هەمیشە هانە هەڵەکردن.
ـ ژن راهێنەر فەرمی پیاوە و رەنگینکەر ئاکارەگانیە.
ـ تا ئەو مەوقەی دەسڵاتدار نید گوشتەکن بە، هەنای وەپی رەسید بی فیز بە.
ـ وەبی هەڵسەنگاندن هەرگیز باوەڕ وە ئەو هەستەیلە مەکە کە لەیەکەم دیدار ئەرا کەس وەرانوەر لەلاد دروسبوود.
ـ هەڵەکردن کار مرۆڤانەیگە، باوجی دووارەکردنی کاریگ چوارپایانەس.