شەفەق نیوز/ ئەنتارکتیکا جیی سەدان گڕکان گورجە گڕکان ها لەناو کیشورەگە کە تەڵای راستەقینە وە بەهایگ دراوی رشنێد.
ماڵپەڕ" FOX WEATHER" باس لە چیای ئێریبوس کردیە کە یەکیگە لە خەسترین ئەو کویەیلە گڕکان گورجەیل بان زەوی لەناوی روی دەێد،و رووژانە نزیکەی ٨٠ گرام تەڵا بڵاوکەێد کە نرخەگی نزیکەی شەش هەزار دۆلارە.
زانایەیل ئەرایان دەرکەفتیە ئێ کویە پەستان گاز بارگاویکریاگە وە کریستالە بویچگەیل تەڵای کانزایی، تووز تەڵا لە کویەی ئێریبوسەوە توەنێد لە دویرەو بچوود وەرد پەیاکردن شوینەوار تەڵا لە هەوا تا ٦٢١ میل لە گڕکانەیلەو.
گڕکانەگە لە بان پارچەیگ تەنک لە تویکڵ نیشێد، یەیشە ری دەێد وە سەنگ تویاگ وە ئاسانی لەناو زەوی بەرزوبوود.
کویەی ئێریبوس رووی لە وێستگەی توێژینەوەی مەکموردۆس لە دوورگەی رۆس و دەریاچەی لاڤای لە کانیاو لویتکنگە هەس کە لە ساڵ ١٩٧٢ەوە چالاک بویە، لەوەر ئوەگ گڕکانەگە هالەشوین دویریگ توێژەرەیل وە مانگ دەسکرد چەودێری کەن.