شەفەق نیوز/ تووپانباز ئەرجەنتین لیونیل میسی، ئەسارەی پاریس سان جێرمان، واز لە خەون کوینەی هاورد، لەبان وەرگردن پەیامیگ هەڕەشە لە کەسەیلیگ چەکدار.
وەرجەیە، سیرجیۆ ئەگەیرۆ بازیکەر وەرین مانشستەر ستی و پەرشەلۆنە، و برادەر نزیک میسی، وت: لیو وەڕاسی هویر وە چگن ئەرا یانەی نیولز ئۆڵد بویز کەێد.
وەگورەی رووژنامەی زا ئەتلتیک بەریتانی، ئەو پەیام هەڕەشە لە چەکدارەیلیگ لە ئەرجەنتین رەسیە میسی، هیشتەی واز لە چگن ئەرا یانەی نیولز ئۆڵد بویز لەی تاوسانە بارێد، و شایەت هەر وەیەکجاری واز بارێد.
وەرجەیە، کەسەیلیگ چەکدار پەلامار دوکانیگ لە ئەرجەنتین دان، ک باوان ئەنتونیلای ژن میسی خاوەنیە، و پەیامیگ لەو شوینە هیشتنە جی ک ئویشێد: میسی، ئیمە چەوەڕی تو کەیمن، جافکین قاچاخچی هوشبەرە، و پشت تو نیەگڕێد.