شەفەق نیوز/ چاپکردن 3d هەمیشە لە دروسکردن نموونە بویچکەگان وەکارتیەێد، یا نموونە تاقکردنەگان، بەڵکم توانای دروسکردن چشتەیلیگ فرە گەوراتر دیرێد، و بەلجیکا وڵات گەوراترین چاپکردنە وەیشیوە لە ئۆڕوپا، توێنست ماڵیگ وەتەواوەتی چاپ بکەێد.

وەپیچەوانەی ئەو ماڵە چاپکریایەگان وەی تەکنیکە ، ماڵە دویایینەگەی بەلجیکا دووقاتیە، ک بوودە گەوراترین پرۆژەی چاپکریاگ.

لە چەوپیکەفتنیگ لە ماڵپەڕ ''دیجیتاڵ تڕاندز'' ئیمیڵ ئاسیۆن وەڕێوبەر پڕۆژەگە لە کۆمپانیای ''کامپ سی'' ک پڕۆژەگە جیوەجی کەێد وت: کرێن پردی وەکارهاوردیمن لەکۆمپانیای ''کوبوود'' لە دەنیماڕک.

ئەو کرێنە جوور چابکەرە بویچکەگان کار کەێد، وخود بەڕنامەگان وەرگرێد بەڵکم وەشیوەیگ فرە گەوراتر، و ئەمار پێکهاتەیل بیناکردنەگە لەلایەن کۆمپانیای ''ویبەر'' هاوریاگە.

ماڵەگە جیوازیەیل فرەیگ هاناوی، جوور خانە خوەریەگان و گەرمکردنەوەی لە ژیر زەوی، و ئاسیۆن ئاماژەکەێد ک ئەوەگ دروسکریاگە هەرچەن جوور ماڵیگە، بەڵکم ئەرا نیشتەجیی درەوس نەکریاگە، بەڵکم ئەرا پێشوازیکردن لە کۆنگرە وبۆنەگان کریاگە، وتەنیا چاپکردنی خوەی سەرکەفتن گەورایگە چونکە ئاسانییگ دەرخەێد لە بیناکردن و تونای ئی تەکنیکە.