شەفەق نیوز/ وە گورەی تۊژینەوەیگ، ئەنجامدان كارەیل ناوماڵ جۊر ئامادەكردن خواردن، پاككردن، شوردن و رێكخسن، وەردەوام بەشیگ لە وەخت ئایەمەیلە بەێد،  باوجی ئەیە بی سود نییە، دەرچگە مەترسی بیماریگ کەمەو کەێد. 

لە هەواڵیگ sciencedaily هاتیە، ئەو كەسەیلە رووژانە ئەرا ماوەی چوار ساعات كار ناوماڵ كەن و جۊلیەن، مەترسی تۊشبۊنیان وە نەخۆشی دڵ وە ڕێژەی  %43 كەمترە، وەڕێژەی %30 ئەگەر تۊشبۊنیان وە جەڵتەی دڵ و مێژگ كەمەوبوود، وەگەرد ئەوەیش ئەگەر مردن لەوەر گیریانەیل دەمارەگان وە رێژەی %62 نزمەو بوود. 

ئەو تۊژینەوە ئاشکەرا کردیە، جۊلەی رووژانە گرنگە ئەرا مقیەتیکردن تەندروسی، تا زیاتر وەختەیلد وە كار ناوماڵ وەسەر بوەێد زیاتر مەترس ئی بیمارییەیلە کەمەو بوود.  

ئەو کەسەیلە ک خوەشیان کار ماڵ نیەتیەێد رووژانە بەشیگ لە وەختیان ئەرا وەرزش تەرخان بکن.