وەپای راپۆرتیگ گۆڤار  (زە لانسێت) پزیشكی بڵاویکردیە، مەوقەی چارەسەرەگەیان پەنج مناڵ لە جەم شەش مناڵ کە گیچەڵ ژنەفتن دانشتنە هەس وە خاسەوبوین کردنە، لەدویای شەش مانگ لە چارەسەرەگەی (ریفریشجین سیرابیوتكس).

گشت مناڵەیل تویش کەڕی تونیگ ببوین وە مدوو ئاڵشتکاری لە بۆماوەی (ئۆتۆفیرلین). پرۆتین ئۆتۆفیرلین وە بنەڕەت دانرێد ئەرا گواستنەوەی ئاماژەی دەنگ لە گووشەو ئەرا  مێشك.

توێژەیل لە خەسخانەی چو و لویت و گوش و قوڕگ زانکۆی

 (فودان) وە نەشتەرگەری ڤایرۆسیگ بيوەی وەکارهاوردنە ئەرا هەڵگردن کۆپییگ لە بۆماوەی ئایەم ئەرا ئاڵشتکردن گووش ناوڕاس بیمارەگە، لەدویای 26 هەفتە، پەنج مناڵ لە کوو شەش مناڵ ئاماژەی خاسەوبوین ژنەفتن لەناویان دەرکەفتیە، بیجگە لە خاسەوبوین وەرچەویگ لە درککردن وە قسە و توانای ئەنجامدان گفتوگو.

لەباوەت خاسەونەوین مناڵ شەشە توێژەرەیل هووکار جواوەونەیان مناڵە شەشەمەگە گلەودان ئەرا یەکگ لە ئەگەرەیل کە بڕیگ لە گیراوە چارەسەریەگە لەگووش ناوەوەی دزەکردیە لە مەوقی نەشتەرگەریەگە یا دویای ئەوە.