رزوژنامەی "دەیلی مەیل" بەریتانی بڵاو کردیە، توێژەرەیل خەسەخانەی پۆرتۆ ئەلیگری لە بەرازیل لە ناو توێژینەوەگە داتای 26 بیمار شیەو کردیە، کە تێکڕای تەمەنیان 64 ساڵ بویە، هەرلیوا دەستنیشانکریایل کە تویش بیماری ئیسکیمیک بوین.

 پزیشکەیل بیمارەیل کردنە دوو گروپ، ئەندامەیل گروپ یەکەم تا ماوەی 3 مانگ فیلم و بەرنامەی کۆمیدی نشانیان دریا، وئەندامەیل گروپ دویەمیش لەهەمان ماوە خریانە نوای فیلم دیکۆمێنتاریی جددی.

ئەنجامەیل دەرخستنە کە بڕ ئۆکسجین کە دڵ توەنێد تەکان بەێد لە گروپ یەکەم وە ڕێژەی 10% زیای کردووە، هەروەها نەرمی خوینبەرەیان خاستر کردیە، و نیشانەیل هەوکردن و رخ تووشبوین وە جەڵتەی دڵ و جەڵتەی مێشک کەمەو بویە.

توێژەرەیل ئویشن: میکانیزم کاریگەری سودبەخش ئەوەسە کە مادەی ئەندۆرفین دەرکەێد، کە هەوکردن کەمەو کەێد و دەسمیەتی خوینبەرەیل و دڵ دەێد تا ئارام بوون، هەرلیوا خەنستن ئاست هۆرمۆنەیل سترێس کەمەو کەێد، کە بارگرانی خەێدە بان دڵ.