شەفەق نیوز/ کۆمپانیای Zeppet ک پڕتاڵ سینەما دروس کەێد، وت: داوایگ وەلایەن کابرایگ یابانی ئەرای هاتیە ک خوازێد خوەی بکەێدە گورگ.
کۆمپانیاگە پەیام ئەو بسین «خوەشهاڵە» بڵاو کرد ک ناوە راسیەگەی ئاشکرا نەکرد ک وت: چوینکە هەر لە مناڵییم فرە خوەشم لە ئاژەڵ هاتگە، خوەشم هات رووژیگ لە رووژان بوومە گورگ، و هەنای ئەو دڵنگە ک وەشیوەی گورگ دروس کریاگە فرە خوەشهاڵ بویم ک ئومیدم هاتەجی.
وەگورەی قسەی کۆمپانیاگە، دڵنگ گورگەگە نزیکەی ٣ مەلیۆن یەن بابانی خەرجی کەفتیەسە بان ئەو کابرا، ک ٢٣ هەزار دۆلار کەێد.
ئەو کابرا لە پەیامەگەی ئەرا کۆمپانیای Zeppet وایە: داواگەم ئەوە بویە ک بوومە گورگیگ راسی کار سەختیگ بوی، باوجی ئەو دڵنگە فرە ئاسانی کرد.
وتیش: کونای هەناسکیشان و ئاسانکاری لە پووشین دڵنگەگە وەبی دەسمیەتیکردن کەسیگ فرە خوەشهاڵم کردیە.
وەگورەی کۆمپانیاگە، دروسکردن دڵنگ گورگەگە ٥٠ رووژ کیشاگە.