شەفەق نیوز/ دویای نزیکەی شەش ساڵ، و زیاتر لە ٣٠ ساڵ لەپای پەت سێدارە، بڕیار دریا دادکاری بکوشیگ تاوانکریاگ دووارەو بوود،ک ئیواوا هاکامادا، لە تەمەن ٨٧ ساڵە، بویە ئەو زیندانیە ک فرەترین ماوە چەوەڕی نۆرەی وەسێدارەدان کردگە، لەبان تاوان دزیکردن و و کوشتن وەرپرس کارەگەی وەگەرد ژن و دوو مناڵ ناخاڵەی وە چەقوو، لە ساڵ ١٩٦٦.
کورمیچەواز وەرین، لە سەرەتا وت من ئی تاوانە نەکردمە، وەلێ دویای ٢٠ رووژ لە لێکۆڵینەوە ئاشکرای تاوان خوەی کرد، و دویای ئەوە وت: پولیس وە شکەنجە زوور لەبانم هاوردیە، باوجی لە ساڵ ١٩٦٨ سزای وەسێدارەدان لەبانی دەرچگ.
هیدیکۆ خوەشک هاکامادا، لە تەمەن ٩٠ ساڵە، رەنج گەورەیگ دا تا براگەی مەرەقەز بکەێد.
لە ساڵ ١٩٨٠ دادگا تاوانبارکردنی چەسپان، وەلێ هەر دانیشتن و دویاخستن وەپی کریا، و فرە لە ماوەی زیندانیی لەناو زیندان تەنیایی گوزەران کرد، تا رەسیە ساڵ ٢٠١٤، و وەشیوەیگ وەختانە مەرەقەز کریا.
لە وەشکین دی ئێن ئەی، لێکۆڵینەرەیل رەسین ئەرا ئەنجام ئەوە ک ئەو دڵنگەیلە ک وەخوین قوربانیەیل پلگیانە هن ئی پیاوە نیین، و ئی تاوانە نەکردگە، و لە ساڵ ٢٠٢٠، دادگای باڵا فەرمان دووارە نووڕین وە باوەتەگەی دا.