شەفەق نیوز/ وەگورەی تۊژینەوەیگ دەرچگە ئایەم  تا چوودە تەمەن شەوەکیان زۊی تێدە خەوەر، هووکارەگەی چوودەو ئەرا  کەمبۊین هۆرمۆن میلاتۆنین خەو و هەناس تەنگی و پرخەکردن.  

"ماڵپەڕ "ڤێری وێل هێڵس" باس لەو تۊژینەوە کەێد  ک لە گۆڤار Proceedings of the Royal Society B بڵاوبۊیە، تۊژەرەیل چەن کەسیگ خوەیبەخش چڕینە و گروپیگ ٢٠ ئەرا ٣٠ کەسی لەلیان دروسکردن.   

داوا لەلیان کردن لە دەێشت ماڵەگەیان بوون و دۊر لە ئامێر و کەرەستەی ناوماڵ جۊڕ ئایەمە سەرەتاییەیلە نزیک ئاگر بخەفن و ژینگەیان سروشتی بوود، ئەرا ئەوەگ بزانن ئایەمەل جاران چۊین ژیان کردنە.    

تۊێژەرەیل ٣٣ پیاو و ژن لەمابەێن تەمەنەیل ٢٠ ئەرا ٦٠ ساڵ گردەو کردن،  ئەرا ماوەی ٢٠ رووژ چەودێری سیستەم خەویان کریا.     لە ئەنجام دەرچگە ئەوانەگ تەمەنیان لە ٥٠ ئەرا ٦٠ ساڵە بۊی لە ساعات هەشت شەو خەفن و شەش شەوەکی تێنە خەوەر.    

لەخود وەختەگە، ئەوانەیتر  دۊیای ساعات ١١ خەفتن تا ساعات هەشت شەوەکی و بڕێگ لە بەشداربۊیەیل لە نیمە شەو ئەهاتنە خەوەر یە ئەوە رەسنێد، ک تا ئەوەنە کەسەیلە بچنە تەمەن هۆرمۆن میلاتۆنین خەویان کەمەو بوود.    

لە لایگتر لایەن دەرۊنی لای کەسە وەتەمەنەیلە، و دڵتەنگی پەیوەنی وەی رووداوە دیرێد.