شەفەق نیوز ـ وەدویاچگن

 ئەنار وە یەکیگە لە میوەیل دەوڵەمەن وە دژەئۆکسان وریشاڵ و ڤیتامینەیل کە توەنێد بەشیگ خاس بوود لە خواردن هاوسەنگ.

دکتۆر داهات حەوێزی، پزیشک پسپۆر هەناوی و شەکرە و غودە لەباوەتیگ باس لە گرنگترین وەلیفەتە تەندروسیەیل ئەنار کەێد و ئوشێد:

دژە ئۆکسان: ئەنار دەوڵەمەنە وە پۆلیفینۆڵ و دژە ئۆکسیدانەیل کە دەسمیەتی پاراستن خانەیل لەش دەێد.

تەندروسی دڵ: ماددە دژە ئۆکسانەیل توەنن پشتگیری تەندروسی دڵ و خوینبەرەیل بکەن.

فشار خوین: بڕیگ توێژینەوە دیاری کەن، نوشین ئاو ئەنار هاتێ دەسمیەتی کەمکردن فشار خوین بدەێد.

سیستەم هەرس: ریشاڵ ناو ئەنار دەسمیەتی خاسترکردن هەرس و کارکردن ریخەلوی  دەێد.

سیستەم وەرگری لەش: ڤیتامین سی و ماددە دژە ئۆکسانەیل پشتگیری کارکردن ئاسایی سیستەم وەرگری لەش کەن.

تەندروسی پووس: ڤیتامین سی دەسمیەتی بەرهەمهاوردن کۆلاجین دەێد کە گرنگە ئەرا تەندروسی پووس.

کۆنترۆڵ شەکر: ریشاڵ ئەنار توەنێد دەسمیەتی کەمکردن خێرا و هەڵمژین شەکر بدەێد، و هەمیش دەسمیەتیدەرە ئەرا کەمکردن هەوکردن لەش.