شەفەق نیوز/ پارچەیل فڕۆکەیگ سەربازی ئەمریکی لە جەنگ جەهانی دۊیەم لە کۊیەیل هیماڵایا پەیا کریا، دۊای ٧٧ ساڵ لە کەفتنی، ئەوەیش لە مینەکردن سەختیگ ک بۊیە خۊنی سێ کەس لە شۊنناسەیل.  

١٣ کەس لەناو ئەو فڕۆکە C-46 لە خاەڵک کۆنمینگ لە باشوور وڵات چین بۊین، هەنای لە کەشوهەوای سەختیگ کەفتە بان کۊیەیگ لە ویلایەت ئەروناچال برایدش، لە ساڵ ١٩٤٥.      

کلایتۆن کولس ک وەداواکاری فەرزەن یەکیگ لە قوربانیەیل ئەو فڕۆکە هەڵمەت مینەکردنەگە وەڕیەو برد وت: دۊیای کەفتن فڕۆکەگە هۊچ خەوەریگ لەلی نەڕەسیە.  

ئەرک مینەکردنەگە یەک مانگ کێشا، و کۆلس و تیمیگ لە شۊنناسەیل لە ئێڵ ليسو ئەو کارە جیوەجی کردن،  و سێیان لە شۊنناسەیلە لەو شۊنەیل بەرز و فرە سەردە مردن.  

تا وەی دۊیاییە تیمەگە پەیای پارچەیل فڕۆکەگە کرد، ئەوەیش لە تک کۊیەی وەفر پووشیاییگ، ک وە دۊ فڕۆکەگە شۊنەگەی بەڵەی بۊین، و هۊچ سروسخانیگ لەناوی پەیا نەۊی.