شەفەق نیوز/ تیمیگ زانایەیل توەنستن جویر نوویگ دایناسۆر گەپ شاخدار دەسنیشان بکەن کە نزیکەی ٩٥ ملیۆن ساڵ وەرجە ئیسە لە باکوور ئەفریقا ژیاس.

 پەیاکردنەگە لە بنەمای وینەی ئەرشیف ئێسکەپەیکەر دایناسۆریگ گووشتخوەر کە درویژییەگەی ١٠ مەتر بویە و ناو Tameryraptor markgrafi نریاس. ئێسکەپەیکەرە ڕەسەنەگە لە ساڵ ١٩١٤ وینەی کیشسا دویای ئەوەگ لە گوڵەمەیل دەریایی لە میسر هەڵکەنیا، ئیجا وەرگرد سەنگبویل ترەک لە گردەوکردن ویلایەت باڤاریا ئەرا زانستی شوینەوار و جیۆلۆجی لە میونشن هەڵگریا. لەو وەختە، زانای بوار شوینەوارناسیی ئێرنست سترۆمەر، ئەو سەنگبویە لە جویر Carcharodontosaurus جیگیر کرد.  ئی دایناسۆرە یەکیگ بوی لە گەورەترین گووشتخوەرەیل هشکانی کە لەبان زەوی ژیاس، لە قەوارە هاوشیوەی جویر Tyrannosaurus rex کە لە ئەمریکای باکوور کەمیگ بوبچگترە. بەڵام فرەی سەنگبویەیل دایناسۆرەیل لە میونشن، لەوانە ئەوانەگ لە میسرەو هەڵکەنیانە، لە وەخت بمبارانکردن لە جەنگ جیهانی دویەم فەوتیان.تەنیا  نووڕی ندکتۆر سترۆمەرە، و وینەکیشان بەشیگ لە سوخانەیل و وینەی ئێسکەپەیکەرە ڕەسەنەگە. وینە ئەرشیفکریاگەیل بەشیگ لە کەپووڵ و بڕبڕەی پشت و ئەندامەیل دویای دایناسۆرەگە وەرجە فەوتیان سەنگبویەگە نیشان دەن.ئی وینەیلە تیم توێژینەوە سەرسام کردن، جویر ماکسیمیلیان کیلەرمان، یەکەم نویسەر توێژینەوەگە، کە وت: “ئیمە وە تەواوی سەرمان سوڕمەنیە لەوە کە لە وینە مێژووییەیل دیمن، ئەو سەنگبویە کە وینەی گیریاس تەواو جیاوازە وەگەێد کارچاردۆنتۆساورس کە لە مەغریب پەیا کریاس.” وتیش: "لەڕی ئی وینەیلە جویریک تەواو جیاواز لە دایناسۆر گووشتخوەر پەیا کردیمن کە جاران ناوی نایمن وە Tameryraptor markgrafi".زانایەیل وتنیش؛ دایناسۆرەگە دگان هاوشیوە و جیاواز دیرێد و شاخیگ لەبان لویتیە.