شەفەق نیوز/ خیزانیگ لە ویلایەت ئیلینۆی ئەمریکا، هەنای ماڵەگەیان نووەو کردن، پاکەت پەتاتەی برشیاگ پەیا کردن.     

وەرجە چەن رووژیگ، رۆپ و گراسی جۆنز، داشتن چەن چشتیگ لەناو ماڵەگەیان لە باکوور خوەرئاوای شیکاگۆ نووە کردن، ک ماڵەگە لە ساڵ ١٩٥٩ دروس کریاگە، لە شۊنیگ لە ماڵەگە پاکەتیگ پەتاتەی برشیاگ لە "ماکدوناڵدز" پەیا کردن ک تەمەنی دەیان ساڵە.  

گراسی ئەرا تووڕ "سی ئێن ئێن" ئەمریکی وت: رۆپ لەناو حەمامەگە بوی و خوازی شۊن کلینکسەگە ئاڵشت بکەێد، و هەنای شوینە کۆنەگە لاورد، پارچەی پەڕوویگ لەناو دیوارەگە پەیا کرد.   

وتیش: لەو مەوقە نووڕستیمنە یەکتر، و پرسیار کردیمن ئایا یە چە بوود؟، باوجی هەنای پاکەت ماکدوناڵدز کۆنەیگ پەیا کردیمن، دڵمان ئارام گرد.   

ئمجا هەنای رەسینە بندروس کارەگە، زانستن ک ئی پەتاتەی برشیایە تەمەنی ئەرا ساڵەیل ١٩٥٥ - ١٩٦١ چوودەو، ک هیمان وەڕەنگ خوەی مەنیە.