شەفەق نیوز/ سەرچەوەیگ ئەمنی، ئمڕوو یەکشەممە،  خەوەردا لە پەیاکردن نزیکەی پەنج تەرم لە ئەندامەیل داعش وە گورزیگ ئاسمانی لەبان دیوەخانیان لە پارێزگای نەینەوا کوشیانە.  

سەرچەوەگە ئەرا ئاژانس شەفەق نیوز وت: ئەو تەرمەیلە ک هێزە ئەمنیەیلە پەیای کردن وە گورزیگ ئاسمانی دۊیەشەو لەبان دیوەخانیان لە بیاوان حەزەر لە پارێزگای نەینەوا کوشیانە، ک خوەی دوو تەرم تەواویە و ئەوکان پارچە پارچە بۊینە.  

سەرچەوەگە وتیش: ئی گورزە جیوازە لەوەگ فەرماندەی سەربازی عراق ئاشکرای کرد، وتیش: تەرمەیلە ئەرا وەڕیەوبەرایەتی پۆلیس حەزەر بریان، ئیجا ئەرا پزشک دادوەری لە مووسڵ.