شەفەق نیوز/ ناخاڵەیگ پەیامیگ لەناو شیشەیگ پەیا کرد، لە ساڵ ٢٠١٨ مەرەقەز کریاگە و زیاتر لە ٣٢٠٠ کێلومەتر بڕیە، وەگورەی ئاشکراکردن تووڕ سکای نیوز بەریتانی.

سەرچەوەگە باس کرد ک خاوەن پەیامەگە ناوی شۆن سمیتە و ئیسە هالە تەمەن ١٦ ساڵان، وتیش؛ لە ولایەت رۆد ئایندڵاند ئەمریکی لە ساڵ ٢٠١٨ پەیامەگەی کل کردگە.

پەیامەگە ئویشێد: لە جەژن شوکر، تەمەنم بویە ١٣ ساڵان، و سەردان خیزانەگەم لە رۆد ئایندڵاند کەم، و من خەڵک ولایەت فیرمۆنتم.

پەیامەگە رەسیە دەس کریستیان سانتوس ١٧ ساڵان، ک لە دوورگەی ئەزور لە پورتوگال پەیای کرد.

سانتوس وت؛ داشت لە ت قەلای خوەی ئەرا دەسمیەتی ژینگە  زواڵە گردەو کردیاد،  و هەنای شیشەگە دی، وازی کرد تا بزانێد چە هالە ناوی، و ئیجا پەیامەگە دراورد.