شه‌فه‌ق نيوز/ له رووژ روێ وه‌ڕوێ بوينه‌وه‌ى تون وتيژى ژنه‌يل، ئاواييگ تايبه‌ت وه ئافره‌ته‌يل وه‌ناو "ژنوار" وه هاوكارى جه‌نگاوه‌ره‌يل يه‌كينه‌يل پاراستن ژنه‌يل له ناوچه‌ى ده‌رباسيه‌ى باكوور خوه‌رهه‌ڵات سوريا كرياوه.
ڕومەت هەڤاڵ ك سەرپەرشتیار ئاوايه‌گه‌س، وت: ئى ئاوايه له‌بان ئاست سوريا ده‌گمه‌نه‌و تايبه‌تيش نيه ته‌نيا وه ژنه‌يل كورد، به‌ڵگوو هه‌ر ئافره‌تيگ ك بتواێد له‌و ئاوايه ژيان وه‌سه‌ر ئه‌وه‌ێد.
رومه‌ت هه‌ڤاڵ هه‌ميش وت: ئى ئاوايه ئافره‌ته‌يل چه‌ن شاروچكه‌يگ له پاريزگاى حه‌سه‌كه له‌خوه‌ێ گرتگه جوور: شەدادى، تەل تەمر، کوبانێ، درباسیە و زوورميانيش ئه‌و ئافره‌ته‌يله‌نه ك بيوه‌ژنن يا له هاوسه‌ره‌يليان جياوه بوينه يا هاوسه‌ره‌يليان له‌ده‌سدانه‌و له 30 خانگ ژيه‌ن ك گشتيان هاوكارى يه‌كترى كردنه له دروسكردن ئاوايه‌گه‌و وه‌يه‌كه‌و كار كردنه له بواره‌يل كشتوكاڵ و ئمايه‌تكردن په‌س وپووڵه‌و نمايشگايه‌يل سه‌ندن و فرووشتن.