شەفەق نیوز- وەدویاچگن
کۆمپانیای "رۆکستار گەیمز"، ئەزەڵدەر بازی "گراند سێفت ئۆتۆ 6" (GTA 6)، راگەیان کە بازیەگە لە یەکەم رووژ فروشتنی رەسیەسە 3.79 ملیار دۆلار، لە شمارەیگ پەیمانەیی نوو لەبان ئاست پیشەسازی بازییە ڤیدیۆییەیل.
کۆمپانیاگە وت: ئی ژمارەیلە پشت وە مەزەەیل جەهانییەیل تا کۆتایی رووژ پەنجشەممە بەسێد، کە بڵاوکردنەوە فەرمییەگەی بازی جویڵە و سەرکێشییەگە وەخوەی دی، و دیاری کرد، وەرجە وەخت بڵاوکردنی 32.5 ملیۆن کۆپی فرووشیە، و شمارەیگ پەیمانەیی لەبان سەکۆ جویراوجویرەیل توومار کردگە.
بەیاننامەگە لە زوان سەرۆک کۆمپانیاگە و دامەزرێنەرەگەی، سام هاوسەر، وت: "هەس وە دەسخوەشی گەورە کەیمن وەرانوەر کاردانەوەی بازیکەرەیل لە سەرتاسەر جەهان، و لەوە زیاتر دڵخۆشتر نێەومین ئەرا بەشداریکردن ئی ساتە وەگەرددان".
نرخ کۆپی ئاسایی بازیەگە نزیکەی 80 دۆلارە لە ویلایەتە یەکگرتگەیل، و رویداوەیلی لە "ڤایس سیتی" رویدەن، کە شاریگ خەیاڵییە لە شار میامی ئەمریکی وەرگیریاگە، لەناو جەهانیگ واز کە تاوان و گەندەڵی و هەڵوێستە تەنزئامێزەیل کووکەێدەو.
بازیەگە رێ وە بازیکەرەیل دەێد چالاکی فرەیگ ئەنجام بەن، جویر دزین بانک و فڕۆکە و رویوەرویبوین وەگەرد تیمساحەیل، وەرد چالاکییە رووژانەیل جویر راوەماسی و بازاڕکردن و وەرزشکردن، هەمیش ئەوزەڵداین پەیوەنییەیل ناوەین کەسایەتییە سەرەکییەیل.
جەهان خەیاڵی بازیەگە کەسایەتیەیلیگ لە خوەی گرێد کە لە کاریگەرەیل بان سەکۆیل پەیوەنی کۆمەڵایەتی، و خاوەن تیۆرییەیل پیلانگێڕی و تاوانبارەیل وەرگیریاگن، لە لاساییکردن تەنزئامێز ئەرا دیاردە کۆمەڵایەتی و رووشنهویریەیل، لەناو کاردانەوەیگ فراوان وەگەرد دیمەن و هەڵوێستەیلی کە لە ڕێ ئینتەرنێتەو دەس وە بڵاوبوین کردنە.