شه‌فه‌ق نيوز/ دوياى 60 ساڵ له هاوڕێيه‌تى بته‌ويگ له ناونيان، دوياخر له‌ڕێ سودفه‌يگه‌و ئاشكرا بويه ك هه‌ردوگيان بران و له يه‌ك داڵگن.
هاوڕێتى ئالان رۆبنسۆن و ولته‌ر ماكفرلن له‌و وه‌خته‌و ده‌س وه‌پيكرد هه‌ناى ك وازێ توپان كردن وه‌يه‌كه‌و له تيم خوه‌ندنگا وه‌رجه 60 ساڵ له هاواى، ك له‌و وه‌خته‌و تائيسه له يه‌كترى جياوه نه‌وينه.
ماكفرلن ناسناه‌ى باوگى نه‌زانستگه و رۆبنسۆن ئمايه‌تى كردگه له وه‌ختيگ مناڵ بويه و هه‌ر وه‌و خاتريشه هه‌ردوگ هاوڕێ هه‌وڵ ئه‌وه دان فيشتر له باره‌ێ گوزه‌يشته خوه‌يانه‌و بزانن له‌ڕێ ئه‌نجامداين تاقيكردن تورش نه‌وه‌وى وه شيوه‌يگ سه‌روه‌خوه‌ى وه‌بى ئه‌وه‌گ ئه‌ياكه‌يان بزانێد ئه‌واكه هه‌مان تاقيكردن ئه‌نجام داگه.
دوياى وه‌كارهاوردن ماڵپه‌ڕ ئه‌لكترۆنى ئه‌را ده‌رخستن ئاكامه‌يل تورش نه‌وه‌وى هاوشيوه، ماكفرلن كه‌سيگ ديه‌و ك هه‌مان ناو "ئه‌لكروموسوم ئيكس" ديرێد و ده‌ركه‌فت ئه‌ڕاى ك ئه‌و كه‌سه رۆبنسۆن هاوڕييه‌و هه‌ر وه‌و خاتريشه ربۆنسۆنيش فريه خوه‌شاڵ بوى وه‌و موفاجئه‌ێ خوه‌شه و وت: ئه‌يه خاسترين خه‌ڵاتيگ بوێ ئه‌رام ك هويچ وه‌ختيگ له جه‌شن له‌داڵگبوين خه‌ياڵى نه‌كردوێم و هوير له‌وه كرديام ك نه‌زانم تا مردن داڵگم كييه.